''Fənərbaxça''nın yeni prezidenti Sadəttin Saran dünən keçirdiyi mətbuat konfransında klubun gündəmində duran məsələlərlə bağlı önəmli acıqlamalar verdi.

Onun toxunduğu mövzulardan biri də ''Fənər''li futbolçuların fiziki cəhətdən yetərli görünməməsi oldu. Saran bu məsələdə ilk növbədə əvvəlki çalışdırıcı Joze Mourinyonu günahlandırdı. Komanda iyulda Mourinyonun vətəni Portuqaliyada 2 həftəlik hazırlıq dönəmi keçmişdi. Saran həmin toplanışda futbolçuların yetərli qədər yüklənmədiyini iddia edərək bunları dedi:

Elə Mourinyodan sonra baş məşqçi postuna gələn Domeniko Tedesko da əvvəlki açıqlamalarında bir neçə dəfə üstüörtülü şəkildə bu mövzuya toxunaraq futbolçuların yayda yetərli qədər hazırlıq keçmədiklərinə işarə vurmuşdu.

Bu arada Türkiyənin ''Sabah'' nəşri maraqlı bir xəbər paylaşıb. Nəşrin əməkdaşları daha öncə Mourinyo Türkiyədə çalışarkən onunla dəfələrlə söhbət etdiyindən tanınmış məşqçinin nömrəsi onlarda var imiş. Həmin əməkdaşlardan biri ''vatsapp'' vasitəsilə Mourinyoya mesaj göndərərək ondan Saranın ittihamlarına münasibət öyrənməyə çalışıb. Mourinyo isə ''mən artıq ''Fənərbaxça'' ilə maraqlanmıram'' ifadəsini yazaraq türkiyəli həmkarımıza bir cümləlik cavab göndərib.