''Fənərbaxça''ya gəldiyi gündən bəri komandanın aparıcı futbolçularından hesab olunan Fredin son oyunlarda ehtiyatda qalmasının səbəbi bəlli olub.

"Football-plus.az" xəbər verir ki, yeni baş məşqçi Domeniko Tedesko oyunçuların fiziki göstəricilərinə və onların testlərinin cavablarına böyük önəm verir.

Həmin testə əsasən Fredin fiziki cəhətdən yetərli olmadığı məlum olub. Təcrübəli braziliyalı yarımmüdafiəçi ''Kasımpaşa'' ilə matçın (1:1) ilk yarısında zəif təsir bağışlamış və fasilədə əvəzlənmişdi. Son iki rəsmi oyunda - Zaqreb ''Dinamo''su və ''Antalyaspor''la matçlarda isə o, ehtiyatda qalmışdı. Türkiyə mətbuatının yazdığına inansaq, Tedesko ''sambaçı'' ilə üzbəüz söhbət edərək onun fiziki durumundan narazı qaldığını və bu üzdən əsas heyətdə başqa futbolçulara şans verdiyini bildirib. 32 yaşlı Fred hazırda bu çatışmazlığını aradan qaldırmaq üçün məşqlərdə əlavə olaraq çalışır.

Tedesko hələ ki, dayaq yarımmüdafiəçisi mövqeyində Marko Asensionu oynadır. Qeyd edək ki, 2023-cü ildə ''Mançester Yunayted''dən transfer edilən və Türkiyədə 3-cü mövsümünü keçirən Fred indiyə qədər ''Fənər''də 92 rəsmi oyunda iştirak edərək aktivinə 6 qol, 16 məhsuldar ötürmə yazıb.