''Fənərbaxça'' başqanı heyətdən kənarlaşdırılan futbolçular haqda nə dedi?
Məlum olduğu kimi ''Fənərbaxça''da bir neçə gün öncə çox mühüm qərar qəbul edildi.
"Football-plus.az" xatırladır ki, iki təcrübəli futbolçu - İrfan Can Kahveci və Cenk Tosun rəhbərliyin qərarı ilə əsas komandadan kənarlaşdırıldı.
Bu futbolçuların intizamı və komanda daxilində ab-havanı pozduqları iddia edilmişdi. Nəhayət, rəhbərlik səviyyəsində ilk dəfə klubda bu mövzuya münasibət bildirən tapıldı. Yeni başqan Sadəttin Saran çərşənbə günü mətbuat konfransı keçirdi. Bu, onun bu vəzifədə ilk mətbuat konfransı idi.
Saran hər kəsi maraqlandıran bu mövzu haqda danışaraq bunları dedi:
''Onlardan biri ilə görüşüb söhbət etdim. Digəri ilə sabah görüşəcəm. Heç kimlə pis şəkildə ayrılmaq istəmirik. Onları sevirəm və cəzalandırmaq kimi bir düşüncəmiz yoxdu. Hələ ki, yaxşı duruş sərgiləyirlər. Onlarla söhbət edəcəm. Mən özüm də bir atayam. Onlar hər kəsə örnək olmalıdılar. Belə olduğu müddətdə biz də lazımi dəstəyi verəcəyik. Qışda ayrılmaları ilə bağlı hələlik heç bir qərar qəbul olunmayıb. Dediyim kimi öncə söhbət edib sonra durumu dəyərləndirəcəyik''.
Qeyd edək ki, 2021-ci ildən ''Fənər''də olan İrfan Can həm də kapitanlardan biri idi. Saran kapitanlığın ondan alınaraq Çağlar Söyüncüyə verildiyini bildirib. İrfan Can Kahveciyə indidən ''Beşiktaş''ın maraq göstərdiyi iddia edilir.
Digər xəbərlər
