A seriyasının 5-ci turunda diqqətlər böyük ölçüdə Milanda keçirilən oyuna yönəlmişdi. Bu şəhərə səfəri uğursuz alınan “Napoli” vahid liderliyi əldən verdi. Çempionatda üçhakimiyyətliliyin yarandığını da qeyd edək.

"Football-plus.az" xəbər verir ki, mövsümə evdə “Kremoneze”yə uduzmaqla (1:2) başlayan “Milan” sonrakı 3 matçda “quru” qələbələrə nail olmaqla liderlər qrupunda möhkəmlənmişdi. Massimiliano Alleqrinin komandası son çempiona qarşı oyuna əla başlayaraq erkən qol vurdu.

Meydan sahibləri Salemakersin qolundan sonra da çox yaxşı təsir bağışladılar. Pavloviç ilə Fofananın fərqi artırmaq üçün yaxşı imkanları oldu. Əvəzində yarım saatlıq mübarizə arxada qalandan sonra Fofananın ötürməsi ilə Pulişiç ikinci topu qonaqların qapısından keçirdi. 57-ci dəqiqədə Estupinyan cərimə meydançasında Di Lorentsoya qarşı kobudluğuna görə qırmızı vərəqə ilə cəzalandı, De Bruyne isə penalti ilə matça intriqa qatdı. “Napoli” yarım saatdan artıq çoxluqda oynasa da, ev sahiblərinin inamlı görünən müdafiəsini yara bilmədi. Nəticədə son çempion bu mövsüm ilk, cari ildə isə ikinci məğlubiyyətini aldı. “Milan” isə topların daha yaxşı fərqinə əsasən 1-ci yerə yüksəldi.

“Milan” və “Napoli” kimi, “Roma”nın da hesabında 12 xal var. Paytaxt komandası “Verona” üzərində 2:0 hesablı qələbə ilə 4-cü yerdən 3-ə yüksəldi. “Roma”nın bu mövsüm hamıdan az – yalnız bir top buraxdığını da qeyd edək.

Mövsümün ilk üç oyununda maksimum nəticə göstərən “Yuventus” bütün turnirləri nəzərə almaqla ardıcıl 3-cü dəfə büdrədi. İqor Tudorun komandası evdə Çempionlar Liqasının daha bir iştirakçısı olan “Atalanta”ya məğlubiyyətdən son dəqiqələrdə qurtula bildi. Növbəti heç-heçə turinliləri 4-cü yerə saldı.

Əksinə, bu mövsüm çempionatın ilk 3 oyununda elə bu qədər xal qazanan “İnter”də əks tendensiya yaşanır. Kristian Kivunun komandası Kalyaridən qalib dönməklə bütün turnirlərdə ardıcıl 3-cü qələbəsini qazandı. Ötən mövsümün vitse-çempionu hazırda turnir cədvəlində 5 oyuna 9 xalla 5-ci yerdədi.

5-ci tur
Milan – Napoli 2:1
Salemakers, 3. Pulişiç, 31 – De Bruyne, 60-p. (73754)
Milan: Menyan, Tomori (De Vinter, 80), Qabbya, Pavloviç, Estupinyan, Fofana (Loftus-Çik, 80), Modriç, Rabyo, Salemakers (Atekame, 68), Pulişiç (Bertezaqi, 59), S.Ximenes (Leao, 69).
Napoli: Meret, Qutyerres, Juan Jezus, Maryanuççi, Di Lorentso, Zambo Angissa, Lobotka (Gilmor, 90+3), Maktominey (Neres, 73), De Bruyne (Elmas, 72), Politano (Lanq, 72), Höylunn (Lukka, 73).

Yuventus Atalanta 1:1
Kabal, 78 - Sulemana, 45+1. (40893)
Yuventus: Di Qreqorio, Kalulu, Qatti (Joao Mario, 64), Bremer (Kabal, 76), Kelli, Kambyazo, Koopmeyners, K.Türam (Makkenni, 57), Aciç (Vlahoviç, 58), Yıldız, Openda (Jeqrova, 64).
Atalanta: Karnesekki, Ahanor, Cimşiti, Kossunu, Bellanova, Zappakosta, De Roon, Paşaliç, Samarciç (Musa, 76), Sulemana (De Ketelare, 61), Krstoviç (Breşianini, 82).

Roma – Verona 2:0
Dovbik, 7. Sule, 79. (62334)
Roma: Svilar, Mançini (Zelkovski, 71), Ndika, Çelik, Kristante, Kone, Anxelinyo (Simikas, 59), Fransa (Ermoso, 59), Lorentso Pelleqrini, Sule (Ə-Şaaravi, 82), Dovbik (E.Ferqyuson, 60).

Kalyari – İnter 0:2
L.Martines, 9. Espozito, 82. (16282)
İnter: X.Martines, Bastoni, De Vrey, Akanci, Auqusto (Dimarko, 46), Mxitaryan, Çalhanoğlu, Luis Enrike (Dyumfris, 72), Barella (Frattezi, 64), M.Türam (Espozito, 64), L.Martines (Bonni, 89).

Leççe – Bolonya 2:2
Kulibali, 9. Kamarda, 90+4 - Orsolini, 45+1-p. Odqor, 71. (24548)
Bolonya: Skorupski, Holm (De Silvestri, 83), Heggem, Lukumi, Miranda, L.Ferqyuson, Moro, Rou (Kambyaqi, 68), Fabbian (Odqor, 68), Orsolini (Bernardeski, 62), Dallinqa (Kastro, 68).

Piza – Fiorentina 0:0
(11210).
Fiorentina: De Xea, Ranyeri, Mari, Ponqraçiç, Dodo, Qosens, Fatsini (Ceko, 88), Nikolussi-Kavilya (Zom, 80), Mandraqora, Ken, Qudmundsson (Pikkoli, 70).

Komo – Kremoneze 1:1
Pas, 32 – Baskirotto, 69. (10534)

Sassuolo – Udineze 3:1
Loryante, 8. Kone, 12. Yannoni, 81 – Devis, 55. (11160)

Parma – Torino 2:1
Pelleqrino, 36-p.; 72 – Nqonq, 50. (17006)

Cenoa – Latsio 0:3
Kançelyeri, 4. Kastelyanos, 30. Zakkanyi, 63.

1. Milan 5 4 0 1 9-3 12
2. Napoli 5 4 0 1 10-5 12
3. Roma 5 4 0 1 5-1 12
4. Yuventus 5 3 2 0 9-5 11
5. İnter 5 3 0 2 13-7 9
6. Atalanta 5 2 3 0 10-4 9
7. Kremoneze 5 2 3 0 6-4 9
8. Komo 5 2 2 1 6-4 8
9. Bolonya 5 2 1 2 5-5 7
10. Kalyari 5 2 1 2 5-5 7
11. Udineze 5 2 1 2 5-8 7
12. Sassuolo 5 2 0 3 7-8 6
13. Latsio 5 2 0 3 7-4 6
14. Parma 5 1 2 2 3-6 5
15. Torino 5 1 1 3 2-10 4
16. Fiorentina 5 0 3 2 3-6 3
17. Verona 5 0 3 2 2-8 3
18. Piza 5 0 2 3 3-6 2
19. Cenoa 5 0 2 3 2-7 2
20. Leççe 5 0 2 3 4-10 2

Bombardirlər: Pulişiç (Milan) - 4, De Bruyne (Napoli), Pas (Komo), Orsolini (Bolonya), M.Türam (İnter) - 3.

Turun rəqəmi
7 - nəhayət, Massimiliano Alleqri Antonio Konteyə qalib gəldi. Onun komandası turun mərkəzi oyununda “Napoli”ni məğlub etdi. Konte baş məşqçi kimi əvvəlki 7 oyunda Alleqriyə qarşı duellərdən 5 qələbə və 2 heç-heçə ilə ayrılmışdı.

Turun ulduzu
Kristian Pulişiç (Milan) - amerikalı futbolçu mövsümün əvvəlində əla formada olduğunu bir daha sübut etdi. Pulişiç “Napoli” ilə oyunda 1 qolun və məhsuldar ötürmənin müəllifi oldu. 27 yaşlı yarımmüdafiəçi cari mövsümdə “qol+ötürmə” sistemi üzrə Niko Pas (Komo) ilə birlikdə ən yaxşı göstəriciyə (6) malikdi. Kristianın çempionatda 4-cü qolunu vurmaqla bombardirlərin yarışında vahid liderliyə yüksəldiyini də qeyd edək.

Turun sitatı
Antonio Konte, “Napoli”nin baş məşqçisi: