A seriyasının 34-cü turu ilk növbədə ikihakimiyyətliliyin pozulması ilə yadda qaldı: “İnter” yenə uduzdu, “Napoli” isə qələbə qazanmaqla vahid liderliyi ələ keçirdi.

"Football-plus.az" xəbər verir ki, İtaliyanın son çempionu üçün “Roma” ilə matçın çətin keçəcəyi gözlənilirdi.

Simone İnzaqinin komandası həftəiçi ölkə kubokunun cavab yarımfinal oyununda “Milan”dan ağır məğlubiyyət (0:3) alaraq turnirdə mübarizəni dayandırmışdı. “Roma” milanlıların uzun müddət üç turnirdə mübarizə aparmasına görə yorğunluğundan maksimum yararlanmaq üçün əlindən gələni etdi. Klaudio Ranyerinin çalışdırdığı qonaq komanda ilk dəqiqələrdə milanlıların hücumlarının qarşısını almaqla məşğul oldu. 22-ci dəqiqədə isə Sule Şomurodovun ötürməsi ilə romalıları önə keçirdi.

Fasilədən sonra ev sahibləri topa böyük ölçüdə sahib olsalar da, qapıya dəqiq zərbələr endirməkdə çətinlik çəkdilər. Əks-hücum taktikası ilə oynayan paytaxt komandasının bir neçə imkanı dəyərləndirə bilməməsi nəticəni dəyişmədi: çempionatda məğlubiyyətsiz seriyasını 18 oyuna (13 qələbə, 5 heç-heçə) çatdıran “Roma” Çempionlar Liqasında oynamaq şansını davam etdirdi. 2017-ci ilin dekabrından sonra ilk dəfə ardıcıl 3 məğlubiyyət alan “İnter” isə liderliyi əldən verdi.

Çünki tura şərikli lider kimi başlayan “Napoli” milanlıların məğlubiyyətindən maksimum yararlandı. Cənublular “Torino” ilə ev oyununun nəticəsini böyük ölçüdə ilk hissədə müəyyən etdilər. Antonio Kontenin komandası Maktomineyin iki cavabsız qolu ilə finişə 4 tur qalmış skudetto uğrunda mübarizədə üstünlüyü ələ aldı.

Tura 3-cü yerdə başlayan “Atalanta”nın öz meydanında “Leççe”dən yalnız 1 xal alması gözlənilməz nəticə oldu. 1:1 hesablı heç-heçə berqamoluların mövqeyinə təsir etməsə də, “Yuventus”un özünə yaxınlaşmasına şərait yaratdı. Turinlilərin “Montsa”nı 2:0 hesabıyla məğlub etdikləri oyunun ikinci hissəsini Yıldızın fasilə ərəfəsində qırmızı vərəqə almasına görə on nəfərlə keçirdiklərini də qeyd edək.

34-cü tur
İnter – Roma 0:1
Sule, 22. (70240)
İnter: Zommer, Dimarko (Dyumfris, 63), Açerbi, Pavar (Bissek, 15), Auqusto, Darmian (Zalevski, 63), Frattezi (Korrea, 80), Barella (Zyelinski, 81), Çalhanoğlu, Martines, Arnautoviç.
Roma: Svilar, Ndika, Mançini, Çelik, Anxelinyo, Kone (Qurna-Duat, 68), Kristante, Sule (Rensx, 86), Lorentso Pelleqrini (Pizilli, 68), Şomurodov (Baldantsi, 68), Dovbik (Əl-Şaaravi, 86).

Fiorentina – Empoli 2:1
Adli, 7. Mandraqora, 25 – Fatsini, 57. (20547)
Fiorentina: De Xea, Qosens, Ranyeri (Komutso, 60), Ponqraçiç, Mari, Mandraqora, Kataldi, Folorunşo (Parizi, 70), Adli (Riçardson, 60), Qudmundsson (Facoli, 82), Beltran (Zanyolo, 70).

Venetsiya – Milan 0:2
Pulişiç, 5. S.Ximenes, 90+6. (12048)
Milan: Menyan, Ernandes, Tomori, Pavloviç, Qabbya, A.Ximenes (Loftus-Çik, 70), Fofana (F.Terraçano, 87), Reynders, Leao (Uoker, 71), Pulişiç (Feliş, 87), Abraham (S.Ximenes, 64).

Yuventus – Montsa 2:0
Qonsales, 11. Kolo Muani, 33. (40016)
Yuventus: Di Qreqorio, Kambyaso (Savona, 58), Kalulu, Veyqa, Kelli, Lokatelli, Makkenni, K.Türam (Vea, 58), Qonsales (Koşta, 74), Yıldız, Kolo Muani.

Napoli – Torino 2:0
Maktominey, 7; 41. (51144)
Napoli: Meret, Olivera (Raspadori, 56), Rrahmani, Buoncorno (Marin, 64), Di Lorentso, Zambo Angissa (Billinq, 58), Lobotka (Gilmor, 86), Maktominey, Spinatsola, Politano, Lukaku (Simeone, 86).

Atalanta – Leççe 1:1
Retegi, 69-p. – Karlsson, 29-p. (21875)
Atalanta: Karnesekki, Cimşiti, Hin, Kossunu (Rucceri, 59), Bellanova (Kuadrado, 46), Zappakosta, De Roon, Ederson (Samarciç, 80), Paşaliç (De Ketelare, 64), Lukman, Retegi (Maldini, 80).

Komo – Cenoa 1:0
Strefetsa, 59. (10664)

Udineze – Bolonya 0:0

Verona – Kalyari 0:2
Pavoletti, 30. Deyola, 90+3.

Latsio – Parma 2:2
Pedro, 79; 84 – Ondreyka, 3; 46.

1. Napoli 34 22 8 4 54-25 74
2. İnter 34 21 8 5 72-33 71
3. Atalanta 34 19 8 7 67-31 65
4. Yuventus 34 16 14 4 51-31 62
5. Bolonya 34 16 13 5 52-37 61
6. Roma 34 17 9 8 49-32 60
7. Latsio 34 17 9 8 57-45 60
8. Fiorentina 34 17 8 9 53-34 59
9. Milan 34 15 9 10 53-38 54
10. Torino 34 10 13 11 38-39 43
11. Komo 34 11 9 14 44-48 42
12. Udineze 34 11 8 15 36-48 41
13. Cenoa 34 9 12 13 29-41 39
14. Kalyari 34 8 9 17 35-49 33
15. Verona 34 9 5 20 30-62 32
16. Parma 34 6 14 14 40-53 32
17. Leççe 34 6 9 19 24-56 27
18. Venetsiya 34 4 13 17 27-48 25
19. Empoli 34 4 13 17 27-54 25
20. Montsa 34 2 9 23 25-59 15

Bombardirlər: Retegi (Atalanta) - 24, Ken (Fiorentina) - 17, M.Türam (İnter) - 14, Lukman (Atalanta) - 13.

Növbəti turun oyunları mayın 2-5-i aralığında keçiriləcək: Torino – Venetsiya, Kalyari – Udineze, Parma – Komo, Leççe – Napoli, İnter – Verona, Empoli – Latsio, Montsa - Atalanta, Roma – Fiorentina, Bolonya - Yuventus, Cenoa - Milan.

Turun rəqəmi
24 - “Atalanta”nı evdə “Leççe”yə məğlubiyyətdən Retegi xilas etdi. Penaltini dəqiq yerinə yetirən hücumçu bu mövsüm çempionatda 24-cü qolunu vurmaqla bombardirlərin siyahısında liderliyini bir qədər də möhkəmləndirdi. 25 yaşlı Mateo “Atalanta”da A seriyasının 1996/97 mövsümündə bu qədər qapıya yol tapan Filippo İnzaqinin rekordunu təkrarladı. Onun mövsüm ərzində qara-göy formada meydana çıxdığı 45 matçda 27 qol vurduğunu da qeyd edək.

Turun ulduzu
Skott Maktominey (Napoli) - “Torino” ilə oyunun nəticəsini şotland yarımmüdafiəçi müəyyən etdi. Onun vurduğu bir-birinə bənzəyən iki qol komandasına çempionluq yarışında çox vacib 3 xal qazandırdı. 28 yaşlı Maktominey “Napoli”yə həm də matçın bütün iştirakçılarından yarım kilometr çox qət etməklə faydalı oldu.

Turun sitatı
Simone İnzaqi, “İnter”in baş məşqçisi: