Beynəlxalq Futbol Federasiyası (FİFA) bildirib ki, 2025-ci ilin yay “transfer pəncərəsi”ndə klublar rekord məbləğdə pul xərcləyib.

"Football-plus.az" xəbər verir ki, yay “transfer pəncərəsi” iyunun 1-dən sentyabrın 2-dək, o cümlədən ABŞ-da keçiriləcək klublararası dünya çempionatına görə iyunun 1-dən 10-na kimi açıq olub. Bu müddət ərzində kişilər arasında peşəkar futbolda 12 mindən bir qədər az beynəlxalq transfer həyata keçirilib ki, bu da yeni rekorddu.

Klubların transfer xərcləri 9,76 milyard dollara yüksəlib ki, bu da bütün dövrlər üçün rekord göstəricidi. Cari rəqəmlər 2024-cü ilin eyni dövrünün məbləğlərini 50 faizdən çox üstələyib.

İngiltərə klublarının 3 milyard avrodan çox pul xərclədiyi qeyd edilir. Bu, milli assosiasiyalar arasında bütün zamanların rekordudu.
Bu arada İspaniya La Liqasında yayın ən bahalı futbolçu transferləri bəlli olub. Ən baha üç keçidi "Real" gerçəkləşdirib. Birinci pillədə İngiltərə təmsilçisi "Bornmut"dan bu komandaya keçən Din Höysen (62,5 milyon avro) qərarlaşıb. İkinci sırada Portuqaliyanın "Benfika" klubundan transfer olunan Alvaro Karreras (50 milyon avro) yer alıb. "Real" Argentinanın "River Pleyt" komandasından Franko Mastantuononu isə 45 milyon avroya alıb. "Vilyarreal"ı "Atletiko"ya dəyişən Aleks Baena (42 milyon avro) dördüncü, "Lion"dan "Vilyarreal"a keçən Georgi Mikautadze (31 milyon avro) beşincidi

"Espanyol"un idman direktoru Fran Qaraqarsa da “transfer pəncərəsi” haqqında danışıb. O, İngiltərə premier-liqası ilə Avropanın qalan top-4 liqası arasında xərclərdəki fərqi qeyd edib:

Xatırladaq ki, bu yay premier-liqa klubları transferlərə 3,6 milyard avro xərcləyib. A seriyası, bundesliqa, La Liqa və Liqa 1 klubları ümumilikdə daha az - təxminən 3,4 milyard avro xərcləyib.

Eyni zamanda, İspaniya çempionatının bir sıra klublarında mövsüm üçün futbolçuların qeydiyyatı ilə bağlı problemlər var.