“Forbes” jurnalı ən dəyərli futbol klublarının yeni reytinqini açıqlayıb. 2025-ci ildə bu reytinqin lideri “Real”dı.

"Football-plus.az" xəbər verir ki, İspaniya nəhənginin bazar dəyəri 6,75 milyard dollardı, klubun illik gəliri isə 1,129 milyard. Bu, futbol dünyası üçün mütləq rekorddu.

İkinci pillədə “Mançester Yunayted” qərarlaşıb – İngiltərə klubunun dəyəri 6,6 milyard dollardı. İlk “3-lüy”ü 5,65 milyard dollarlıq “Barselona” qapayır.

“Forbes”in versiyasına görə ən dəyərli klubların “top-10”u (dollar ilə):
1. “Real” - 6,75 milyard (qazanc: 1,129 milyard)
2. Mançester Yunayted - 6,6 milyard (834 milyon)
3. Barselona - 5,65 milyard (821 milyon)
4. Liverpul - 5,4 milyard (773 milyon)
5. Mançester Siti - 5,3 milyard (901 milyon)
6. Bavariya - 5,1 milyard (827 milyon)
7. PSJ - 4,6 milyard (870 milyon)
8. Arsenal - 3,4 milyard (771 milyon)
9. Tottenhem - 3,3 milyard (666 milyon)
10. Çelsi - 3,25 milyard (591 milyon)

İspaniya və İngiltərə klubları ənənəvi şəkildə siyahıda dominantlıq edir, ancaq “Real” bu yöndə xüsusi seçilir. Madridlilər liderliyi qorumağı bacarmaqla yanaşı, il ərzində gəlirini də önəmli dərəcədə artırıb.