Şahruddinin qolda səhvi var idi? - Kamal Bayramov belə düşünür
“Qarabağ” - “Sumqayıt” (0:1) oyununda ağdamlıların qapısına vurulan qol geniş müzakirə doğurdu.
Belə ki, Ronaldo Vaskesin vurduğu qolda top tirə dəydi və qapı önünə düşdü. Davamı da məlumdu. Şərhçi Ramiz Mirzəzadə və bir çox başqaları qapıçı Şahruddin Məhəmmədəliyevi günahkar saydı. Elə qapıçının komanda yoldaşı Abbas Hüseynov da ondan narazılığına gizlətmədi və bu məqam oyunsonrası mətbuat konfransında Qurban Qurbanovun da münasibəti bildirməsinə səbəb oldu.
Bəs həqiqətən də qolda Şahruddinin günahı varmı?
Sualı sabiq qapıçı, hazırda məşqçi kimi fəaliyyət göstərən Kamal Bayramova ünvanladıq:
“Qol kuryoz alındı. Futbolda belə hallar baş verir. “Qarabağ”ın oyunda yorğunluğu sezilirdi. Komanda ağır səfərdən gəlib. Oyunda hər kəs səhv edə bilər. Məğlubiyyətin səbəbkarı kimi Şahruddini göstərmək, məncə, ədalətsizlik olar”.
MÜZƏFFƏR QULUZADƏ
Digər xəbərlər
