Dünən "Qarabağ" Çempionlar Liqasının pley-off mərhələsində meydana çıxdı.

"Football-plus.az" xəbər verir ki, Ağdam təmsilçisi cavab matçında Çexiya "Viktoriya"sına 1:2 hesabı ilə məğlub oldu. Bununla da "köhlən atlar" mübarizəni Avropa Liqasında davam etdirəcək.

"Qarabağ"ın buraxdığı ilk qolda qapıçı Şahrudin Məhəmmədəliyevin ciddi səhvi oldu. Görüşdən sonra isə "feysbuk"da millimizin üzvü sərt tənqid edildi. Hətta onun əlehinə aksiya da başladılıb. Fanatlar tərəfindən "Şahruddini Mahaçqalaya göndərmək üçün 10000 imza" adlanan kampaniyaya start verilib.

Qeyd edək ki, artıq kampaniyaya 93 nəfər qoşulub.