“Mənə elə gəlir ki, Şahruddin “Qarabağ”a qayıtmamaq üçün hər şey etdi. Lakin işləri yolunda getmədi. Həm getdiyi yerdə (“Adana Dəmirspor” – red.) aldadıldı, həm də sonradan başqa klubdan arzuladığı təklifi almadı. Məncə, Türkiyədə yaxşı çıxış etdi. Klub maaşını ödəmədi. Belədə davam etməyin nə mənası var? Necə qala bilərdi? Ya Qurban müəllim Şahruddinin klubsuz qalmasına biganə yanaşmadı, ya da onu daha yaxşı duruma sala biləcəyinə inanır. Hər halda, səmimi münasibətləri var. Şahruddinin karyerasının yaxşı olub-olmaması özündən asılıdı. Yeni qapıçı Fabian Kuntiçin səviyyəsini bilmirik. Bəlkə də onunla rəqabətdə qalib gəlib əsas qapıçı oldu. Onsuz da premyer-liqada limit var. Ümuyyətlə, futbolçunun əvvəlki klubuna qayıtması halları baş verə bilir. Futbolda bunu normal qarşılamalıyıq. Əlbəttə, milli üzvlərinin legioner həyatı yaşaması daha yaxşıdı. Göründüyü kimi, Ramil Şeydayevdə də alınmadı və qayıtdı. Düzü, Şahruddin Türkiyədə yaxşı çıxış etdiyindən Azərbaycana qayıtmasına təəssüflənirəm. Sadəcə, bəxtsizlik oldu. Ona sayğıyla yanaşmalıyıq”.