1/4 final mərhələsində, demək olar ki, heç bir sensasiya yaşanmadı.

"Football-plus.az" xəbər verir ki, imkanları əvvəlcədən daha yüksək qiymətləndirilən tennisçilərin hər biri növbəti mərhələyə adladı. Uzaqbaşı Mirra Andreyevanın dünyanın 35-ci raketkası Belinda Bençiçə uduzmasını istisna etmək olar. Ümumiyyərlə, 1/4 final rusiyalı tennisçilərin fiaskosuna çevrildi. Karen Xaçanovun Teylor Fritsə uduzması öz yerində, qadın tennisçilərdən heç biri yarımfinala adlaya bilmədi. Andreyevanın məğlubiyyətini xatırlatdıq, Anastasiya Pavlyuçenkova Amanda Anisimova, Lyudmila Samsonova İqa Sventek önündə “ağ bayraq qaldırdı”.

Bençiç karyerasında ilk dəfə “Uimbldon”da yarımfinala adladı. O həm də “Böyük dəbilqə” turnirlərinin 20 qat çempionu Rocer Federerdən sonra “Uimbldon”da yarımfinalda oynayacaq ilk isveçrəlidi. Federer sonuncu dəfə bunu 2019-cu ildə bacarmışdı.

Flavio Kobollini məğlub edən Novak Cokoviç karyerasında 52-ci dəfə “Böyük dəbilqə” turnirlərində yarımfinala adladı. Serb ulduz bu göstəricidə indiyə qədər amerikalı Kris Evertə məxsus olan rekordu təkrarladı.

Srağagün və dünən turnirdə yarımfinal oyunları da keçirildi. Qadınlar arasında həlledici oyunda Anisimova ilə Sventek qarşılaşacaq. Anisimova yarımfinalda dünyanın 1-ci raketkası Sobolenkonu məğlub etməyi bacardı. O, karyerasında ilk dəfə “Böyük dəbilqə” turnirinin finalında oyayacaq. Bençiçi məğlub edən Sventek isə karyerasında ilk dəfə “Uimbldon”un finalına çıxdı.

Kişilərin turnirində Sinnerlə Alkaras qalibi müəyyənləşdirməyə çalışacaq.

Kişilər
1/4 final
Frits (ABŞ, 5) – Xaçanov (Rusiya, 17) 6:3, 6:4, 1:6, 7:6 (7:4)
Alkaras (İspaniya, 2) - Norri (B.Britaniya) 6:2, 6:3, 6:3
Cokoviç (Serbiya, 6) - Kobolli (İtaliya, 22) 6:7 (6:8), 6:2, 7:5, 6:4
Sinner (İtaliya, 1) - Şelton (ABŞ, 10) 7:6 (7:2), 6:4, 6:4

yarımfinal
Alkaras (İspaniya, 2) - Frits (ABŞ, 5) 6:4, 5:7, 6:3, 7:6 (8:6)
Sinner (İtaliya, 1) - Cokoviç (Serbiya, 6) 6:3, 6:3, 6:4

Qadınlar
1/4 final
Sobolenko (Belarus, 1) – Ziqemund (Almaniya) 4:6, 6:2, 6:4
Anisimova (ABŞ, 13) - Pavlyuçenkova (Rusiya) 6:1, 7:6 (11:9)
Sventek (Polşa, 8) - Samsonova (Rusiya, 19) 6:2, 7:5
Bençiç (İsveçrə) - Andreyeva (Rusiya, 7) 7:6 (7:3), 7:6 (7:2)

yarımfinal
Anisimova (ABŞ, 13) - Sobolenko (Belarus, 1) 6:4, 4:6, 6:4
Sventek (Polşa, 8) - Bençiç (İsveçrə) 6:2, 6:0