Builki “Rolan Qarros” Mirra Andreyevanın benefisinə çevrildi.

“Football-plus.az” xəbər verir ki, rusiyalı tennisçi 1/4 finalda dünyanın 2-ci raketkası Arina Sobolenkonun öhdəsindən gəldi. Aprelin sonunda 17 yaşını tamamlayan Mirra karyerasında ilk dəfə “Böyük dəbilqə” turnirlərində yarımfinala yüksəldi. O həm də 21-ci əsrdə ən gənc yarımfinalçı oldu. Sonuncu dəfə 1997-ci ildə 16 yaşlı isveçrəli Martina Hingis “Böyük dəbilqə”də yarımfinala yüksələ bilmişdi.

Mirra Rusiyanın belə turnirlərdə yarımfinala çıxan 15-ci qadın təmsilçisidi. Bu göstəricidə liderliyi 20 dəfə yarımfinala çıxan, 10-da qələbə qazanan, 10-da isə uduzan Mariya Şarapova qoruyur.

Düzdü, Andreyevanın zəfər yürüşünü dayandıran tapıldı. İtaliyalı Yasmin Paolini yarımfinalda ona qalib gəldi. Hər halda, Mirra “Rolan Qarros”dan vətənə 690 min avro ilə qayıdır. Bunun 650 minini yarımfinala vəsiqəyə, 40 minini isə cütlərin yarışında 1/4 finala qədər irəlilədiyinə görə qazanıb. Mirra həmçinin qadınların reytinq sıralamasında 38-ci pillədən 23-cü pilləyə yüksəlib.

Arina isə gözlənilməz məğlubiyyəti özünü oyunun gedişində piss hiss etməsi ilə əsaslandırıb. Belaruslu tennisçi bir neçə dəfə tibbi yardım üçün fasilə götürüb, həkimlər ona qarınağrı dərmanı verib:

yarımfinal
Kişilər
Alkaras (İspaniya, 3) - Siner (İtaliya, 2) 2:6, 6:3, 3:6, 6:4, 6:3
Zverev (Almaniya, 4) - Ruud (Norveç, 7) 2:6, 6:2, 6:4, 6:2
Qadınlar
Sventek (Polşa, 1) - Qauff (ABŞ, 3) 6:2, 6:4
Paolini (İtaliya, 12) - M.Andreyeva (Rusiya)  6:3, 6:1