“Real”ın son tur ərəfəsində qrupdakı durumu qənaətbəxş idi.

"Football-plus.az" xəbər verir ki, liderliyi təmin etmək üçün “Zaltsburq”a uduzmamaq kifayət edirdi. Amma Xabi Alonsonun komandası ümidləri artıqlamasıyla doğrultdu. Cəzalı Asensionun yerinə start heyətində Rüdiger meydana çıxmışdı. Gənc müdafiəçinin bu turnirdəki səhvlərini nəzərə alsaq, Rüdigerin oynaması “kral klubu” üçün daha yaxşı variant oldu.

Bundan başqa, Madrid nəhəngi ilk dəfə Xabi Alonsdonun sevimli taktikası – 3 mərkəz müdafiəçili sistemlə oynadı. Pressinqdən əla istifadə edən və topu itirən kimi onu dərhal geri qaytarmağa çalışan “Real”ın üstünlüyü fasilə ərəfəsində bəhrəsini verdi. Vinisius 5 dəqiqə aralığında avstriyalıların müdafiəsini tar-mar etdi. O əvvəlcə özü fərqləndisə, çox keçmədən gözəl daban ötürməsi ilə Valverdenin fərqlənməsinə şərait yaratdı. “Blankos” 2-ci hissədə təzyiqi bir qədər azaltsa da, “Zaltsburq” heç təsəlli qolunu da vura bilmədi. Hərçənd komandanın ən azı bir qol vurmaq üçün yaxşı fürsətləri var idi. Sona yaxın fərq darmadağın həddinə çatdı. Mbappenin yoxluğunda növbəti dəfə start heyətində oynamaq şansı qazanan Qonsalo Qarsiya yekun nəticəni müəyyənləşdirdi.

Bu turnirdə o artıq 3 qolun vurulmasında yaxından iştirak edib (2 qol, 1 məhsuldar ötürmə). 2013-cü ildən bəri “Real”da yalnız bir futbolçu - Cud Bellingem ilk 3 rəsmi matçın hər birində ən azı bir qolun vurulmasına töhfə vermişdi. Beləliklə, “Real” qrupu zirvədə tamamladı. Əvvəlki formatı da nəzərə alsaq, madridlilərin bu turnirdə məğlubiyyətsiz seriyası 18 oyuna çatdı (15 qələbə, 3 heç-heçə). Maraqlıdı ki, bu 15 qələbədən 12-də ən azı 2 top fərqi qeydə alınıb. Qrupun digər oyununda isə “Əl-Hilal” “Paçuka”ya heç bir şans vermədi. İlk iki turdan bərabərliklə ayrılan Səudiyyə Ərəbistanı nəhəngi meksikalıların qapısına hər hissədə bir qol vurmaqla inamlı qələbə qazandı.

H qrupu, 3-cü tur
Zaltsburq – Real 0:3 (0:2)
Zaltsburq (Avstriya): Zavişitski, Layner, Qadu, Rasmussen, Kratsiq, Diabate (Vertessen, 73), Diambu (Kyarqor, 46), Dorgeles (Onisivo, 89), Qlux, E.Baydu (S.Baydu, 89), Ratkov (Dagim, 46).
Real (Madrid, İspaniya): Kurtua, Aleksander-Arnold, Rüdiger (Ramon, 67), Çuameni, Höysen, F.Qarsiya, Valverde (Sebalyos, 74), Arda Gülər (Modriç, 67), Cud Bellingem (Dias, 82), Q.Qarsiya, Vinisius (Rodriqo, 67).
Qollar: Vinisius, 40 (0:1). Valverde, 45+3 (0:2). Q.Qarsiya, 84 (0:3).
Vərəqə: yoxdu.
Hakim: Beyda Dahan (Mavritaniya). 
26 iyun. Filadelfiya. 64811 tamaşaçı. 

Əl-Hilal – Paçuka 2:0 (1:0)
Əl-Hilal (Ər-Riyad, Səudiyyə Ərəbistanı): Bunu, Kanselo (Əl-Yami, 86), Əl-Tombakti (Layami, 77), Kulibali, Rodi (Əl-Harbi, 77), R.Neveş, N.Əl-Davsari, Malkom (Əl-Cuvayr, 86), Milinkoviç-Saviç, S.Əl-Davsari (Kanno, 76), Leonardo.
Paçuka (Meksika): Xurado, Sançes (İ.Ernandes, 77), Bauermann, Barreto (Qonsales, 57), Pereyra, Açeves, E.Montyel, Palavesino (Perasa, 77), Dominges (Urtado, 57), Kenedi (Bautista, 63), Rondon.
Qollar: S.Əl-Davsari, 22 (1:0). Leonardo, 90+5 (2:0).
Vərəqələr: Barreto, 17. Dominges, 45+1. Lodi, 45+4. Kulibali, 52 – sarı. 
Hakim: Danni Makkeli (Niderland). 
26 iyun. Neşvill. 14147 tamaşaçı. 

1. Real 3 2 1 0 7-2 7
2. Əl-Hilal 3 1 2 0 3-1 5
3. Zaltsburq 3 1 1 1 2-4 4
4. Paçuka 3 0 0 3 2-7 0