Arda Turan ''Beşiktaş''la qarşılaşmaq ehtimalı barədə nə dedi?
Məlum olduğu kimi Arda Turanı baş məşqçi postuna gətirən ''Şaxtyor''un ''Beşiktaş''la qarşılaşmaq ehtimalı var.
"Football-plus.az" xəbər verir ki, Ukrayna nəhəngi Avropa Liqasının 1-cı təsnifat mərhələsində Finlandiya təmsilçisi ''İlves''i mübarizədən kənarlaşdırsa, növbəti mərhələdə İstanbul nəhəngi ilə qarşılaşacaq.
Maraqlıdı ki, Arda futbolçu kimi də legioner həyatı yaşayarkən ilk mövsümdə ''Beşiktaş''a rəqib olmuşdu. O, 2011-də ''Qalatasaray''dan ''Atletiko''ya yollanmış və 2011/12-də Avropa Liqasının 1/8 finalında ''ağ-qaralar''la qarşılaşmışdı. Madrid nəhəngi həm evdə (3:1), həm də səfərdə (3:0) üstün olmuş və yekunda bu turnirin qalibi olmuşdu. Arda bu dəfə məşqçi kimi ''Beşiktaş''la qarşılaşmaq ehtimalı barədə bunları deyib:
''İnşallah ki, qarşılaşarıq. Amma indidən ''Beşiktaş''la oyunu düşünməyə başlasaq, böyük yanlışlığa yol verərik. Futbolçu kimi dəfələrlə bu cür acı sürprizlər yaşamışam. Qarşımızda çətin bir rəqib var. Finlandiya klubu yaxşı müdafiə olunur. 3 mərkəz müdafiəçili sistemlə oynayırlar. Üstəlik səfər matçını süni ot örtüklü meydanda keçirməli olacağıq. Futbolda asan rəqib yoxdu. Hər qarşılaşma önəmlidi. Xatırlayırsızsa, biz o vaxt Maltada qazandığımız 1 xal sayəsində AÇ-2008-ə vəsiqə əldə etmiş, sonra da o turnirdə tarix yazmışdıq. ''Beşiktaş''a qarşı oynamaq böyük bir şərəfdi. Çünki Türkiyənin ən böyük camiələrindən biridi. Onlara böyük hörmətim var. Mən çox düzgün ''Qalatasaray''lıyam və rəqiblərə hörmətlə yanaşmağı bacarıram''.
Digər xəbərlər
