Dünən Türkiyə Futbol Federasiyasının Rivada yerləşən binasında Türkiyə kubokunun 1/4 final mərhələsinin püşkatma mərasimi keçirilib.

“Football-plus.az” xəbər verir ki, bilindiyi kimi nəhənglərin hamısı yoluna davam edir. Püşkün nəticəsi isə sizi tanış edirik: Trabzonspor - İstanbul BŞ, Beşiktaş - Konyaspor, Ankaragücü - Fənərbaxça, Qalatasaray - Fatih Karagümrük. Bu mərhələdə qalib bir oyunla müəyyənləşir. Oyunlar 27-29 fevralda adı birinci qeyd olunmuş klubların meydanında keçiriləcək. Yarımfinalda qarşılaşmaq ehtimalı olan cütlər də bəllidi. Belə ki, ''Beşiktaş'' - ''Konyaspor'' cütünün qalibi ''Ankaragücü'' - ''Fənərbaxça'', ''Qalatasaray'' - ''Fatih Karagümrük'' cütünün qalibi isə ''Trabzonspor'' - ''İstanbul BŞ'' duelinin qalibi ilə qarşılaşacaq. Yəni yarımfinalda futbolsevərlər ''Beşiktaş'' - ''Fənərbaxça'' derbisinin həyəcanını yaşaya bilər. Onu da bildirək ki, 1/4 finaldan fərqli olaraq yarımfinalda artıq oyunlar ev-səfər prinsipi ilə keçiriləcək.

ƏLİ