Tarixində ilk dəfə İran çempionu olan “Traktor” mövsüm bitən kimi baş məşqçisi Droqan Skoçiçlə müqavilə müddətini uzatmışdı.

“Football-plus.az” xəbər verir ki, Təbriz təmsilçisində bu dəfə ayrılıq yaşanıb. 33 nömrəli futbolçu Arif Ağasi komanda ilə yollarını ayırıb. Bu barədə klub rəsmi “instaqram” hesabında paylaşım edib.

Komandanın əvəzedilməzlərindən olan mərkəz müdafiəçisinin “transfermarkt” dəyəri bir milyon avrodu.

28 yaşlı müdafiəçi son mövsümdə mümkün 30 oyunun hamısına ilk “11-lik”də başlayıb və final fitinə qədər oynayıb, bir qol vurub.

Qeyd edək ki, Arif ikinci dəfə “Traktor” karyerası yaşayırdı. 20 yaşında da komandaya cəlb olunan futbolçu bir mövsüm sonra “Fulad”a dönmüşdü.

MÜZƏFFƏR QULUZADƏ