Bu gün Təbrizdə bayram yaşanacaq – pulsuz-parasız...
Tarixində ilk dəfə İran çempionu olan “Traktor” bu gün mövsümdə son oyununa çıxacaq.
Təbrizlilər Xuzistan “Esteqlal”ının qonağı olacaq. Ertəsi İran vaxtı ilə saat 17.00-19.00 aralığında “Traktor”un doğma stadionu olan “İmam Yadegar”da, başqa adı ilə desək, “Səhənd”də komandanın çempionluğu böyük təmtəraqla qeyd olunacaq.
“Football-plus.az” “Traktor”un mətbuat xidmətinə istinadla xəbər verir ki, bu barədə Təbriz klubunun baş direktoru Səid Müzəffərzadə xəbər verib. O, 55 illik həsrətin başa çatması münasibəti ilə bütün azarkeşləri stadiona dəvət edib:
“Bu gözəl çempionluğun qeyd edilməsinə beynəlxalq səviyyədə baxılacaq. Stadionun məhdud tutumunu nəzərə alaraq, əziz azarkeşlərimizdən bilet qeydiyyatından keçmələrini xaiş edirik. Qəbul edilmiş qərarlara əsasən, “Traktor”un əzmkar çempionluğu yalnız stadionun daxilində qeyd olunacaq. Stadiondan kənarda və ya başqa şəhərlərdə bu bayramın qeyd olunması nəzərdə tutulmur”.
Qeyd edək ki, biletlər pulsuzdu. Azarkeşlər, sadəcə, sistemdə qeydiyyatdan keçməlidi.
MÜZƏFFƏR QULUZADƏ
Digər xəbərlər
