''Qalatasaray''ın ulduzu könlündə olan klubun adını açıqladı
Karyerasını ''Qalatasaray''da davam etdirən Alvaro Morata son açıqlaması ilə diqqət çəkib.
"Football-plus.az" xəbər verir ki, təcrübəli forvard hazırda İspaniya yığmasının düşərgəsindədi.
İspanlar Millətlər Liqasının yarımfinalında Fransa ilə oyuna hazırlaşırlar. Yığmanın düşərgəsində ispaniyalı jurnalistlərlə söhbət edən Morata könlündən keçən klubun adını açıqlayıb:
''İspaniyada növbəti klubum hansı olacaq? ''Xetafe''. Hər halda bu klubda oynamaq üçün əlimdən gələni edəcəm. Amma indi bunu etməyin və ya bu haqda danışmağın zamanı deyil. ''Sevilya''dan təklif almışammı? Xeyir. Ən azından mənim bu haqda məlumatım yoxdu. Ancaq ''Sevilya'' əlbəttə ki, böyük və diqqətəlayiq klubdu. Onlardan teklif gəlsə, bunun üzərində düşünə bilərəm. ''Qalatasaray''la hələ 6 aylıq müqaviləm qalıb. Sonra nə olacağını bilmirəm. Təbii ki, İspaniyaya geri dönmək variantını istisna edə bilmərəm''.
Xatırladaq ki, İstanbul nəhəngi 32 yaşlı futbolçunu bu qış ''Milan''dan birillik icarəyə götürüb. Morata Türkiyə çempionunun heyətində 16 rəsmi oyunda iştirak edərək aktivinə 7 qol, 3 məhsuldar ötürmə yazıb. Onun hələ 6 aylıq müqaviləsi olsa da, komandada qalıb-qalmayacağı bilinmir.
Digər xəbərlər
