Batşuayi hər üç İstanbul nəhəngində oynaması haqda nə dedi?
Viktor Osimhenin gəlişindən sonra ''Qalatasaray''da 3-cü forvard statusuna düşən Mişi Batşuayi son açıqlaması ilə diqqət çəkib.
Türkiyədə ilk öncə ''Beşiktaş''ın şərəfini qoruyan, daha sonra iki mövsüm ''Fənərbaxça''da çıxış edən və bu yay ''Qalatasaray''a keçən təcrübəli belçikalı forvard ''Buzz Plug'' adlı ''yutub'' səhifəsinin qonağı olub. O, ''hər üç İstanbul nəhənginin şərəfini qorumaq necə hissdi'' sualına belə cavab verib:
''Mənim üçün futbol elə futboldu. Düzdü, insanlar bu məsələni müzakirə etməyi xoşlayır. Amma futbol mənim işimdi və harda oynamağımın fərqi yoxdu. Sadəcə meydana çıxıb qazandığım pulun haqqını verməyə çalışıram''.
Bu arada ''Qalatasaray'' karyerası uğurlu keçməyən Batşuayinin üzünə yığmanın da qapıları bağlana bilər. Belçika mətbuatının iddiasına görə yığmanın çalışdırıcısı Domeniko Tedesko Batşuayinin daimi oyun praktikasına malik olmamasından narazıdı. Bu üzdən onun daimi olaraq oynaya biləcəyi bir kluba keçməsini istəyir. Tedeskonun oktyabr və noyabrda Batşuayiyə dəvət göndərməyəcəyi gözlənilir.
ƏLİ
Digər xəbərlər
