MHL-də pley-offun 2-ci mərhələsi başa çatdı.

“Vinnipeq”lə seriyadan qalib ayrılan “Dallas” Qərb konfransında 2-ci finalçı oldu. “Ulduzlar” həlledici oyunda “Edmonton”la qarşışacaq. Maraqlıdı ki, bu iki komanda ardıcıl 2-ci dəfə Qərbin finalında üz-üzə gələcək. Ötənilki finaldan “neftçilər” qalib ayrılmışdı (4:2). “Dallas”ın konfrans yarımfinalında məğlub etdiyi “Vinnipeq”lə bağlı da maraqlı məqam var. İş onadı ki, məhz bu komanda müntəzəm çempionatın qalibi kimi Prezident kubokunu qazanmışdı. Amma Stenli kuboku uğrunda mübarizədən çəkildi. Bu isə o deməkdi ki, Prezident kubokunun qalibi ardıcıl 12-ci dəfə Stenli kubokunu qazana bilməyəcək.

Şərq konfransının ilk finalçısı “Karolina” rəqibini gözləyirdi. Dünən seriyanın 7-ci oyununda “Toronto”nu məğlub edən “Florida” da finala adladı. “Panterz” ardıcıl 3-cü dəfə Şərqin finalında oynayacaq.

17 may
Florida – Toronto 0:2 (0:0, 0:0, 0:2)
Seriyada hesab – 3:3.

18 may
Dallas – Vinnipeq 2:1 ОТ (0:0, 1:1, 0:0, 1:0)
Seriyada hesab – 4:2.

19 may
Toronto – Florida 1:6 (0:0, 0:3, 1:3)
Seriyada hesab – 3:4.