Seriyanın 5-ci oyununda “Toronto”nu məğlub edən “Florida” 4:1 hesablı qələbə sayəsində son 27 ildə ilk dəfə Şərq konfransında finala yüksəldi.

“Football-plus.az” xəbər verir ki, “Panterz” 1995/96 mövsümündə bu mərhələdə “Pittsburq”a qalib gəlmiş (4:3), amma Stenli kubokunun finalında “Kolorado”ya uduzmuşdu (0:4). “Florida” Şərq konfransının finalında “Karolina” ilə qarşılaşacaq.

Qərb konfransında isə ilk finalçı bəllidi. “Edmonton”un kapitanı Konnor Makdevid buz üzərində xarüqələr yaratsa da, komanda yoldaşları ona lazımi səviyyədə dəstək verə bilmədi. Kanadalı ulduz “Veqas”la seriyanın 5-ci oyununda dubl etməklə cari pley-offda keçirdiyi 11-ci oyunda qol sayını 7-yə çatdırdı. Onun müntəzəm çempionatda da 64 qol vurduğunu nəzərə alsaq, 71 qol MHL-in yeni əsrdəki rekordudu. “Vaşinqton”un forvardı Aleksandr Oveçkin 2007/08 mövsümündə müntəzəm çempionatda və pley-offda toplam 69 qol vurmuşdu. Bu göstəricidə bütün dövrlərin MHL rekordu isə Ueyn Qretskiyə məxsusdu. Kanadalı əfsanə 1983/84 mövsümündə 100 qol vurub (müntəzəm çempionatda 87, pley-offda 13 qol).

“Veqas” konfrans finalında “Sietl” – “Dallas” cütünün qalibi ilə qarşılaşacaq.

2-ci mərhələ
13 may
Toronto – Florida 2:3 ОТ (0:2, 1:0, 1:0, 0:1)
Seriyada hesab – 1:4.
Veqas – Edmonton 4:3 (1:2, 3:0, 0:1)
Seriyada hesab – 3:2.
14 may
Sietl – Dallas 6:3 (2:1, 2:1, 2:1)
Seriyada hesab – 3:3.
15 may
Edmonton – Veqas 2:5 (2:1, 0:3, 0:1)
Seriyada hesab – 2:4.