“Vaşinqton”un “Karolina”ya 2:5 uduzduğu oyunda qollardan birini Aleksandr Oveçkin vurdu.

"Football-plus.az" xəbər verir ki, paytaxt klubunun rusiyalı kapitanı pley-offda 77-ci dəfə fərqlənməklə Stenli kubokunun snayperləri siyahısında 12-ci pilləyə yüksəldi. Mario Lemyeni arxada qoyan Oveçkin 11-ci pillədəki Yaromir Yaqra (78) bir qədər də yaxınlaşdı. Onu 10-cu pillədəki Jan Belivodan isə iki qol ayırır. Stenli kuboku tarixində ən çox qol vuranların ilk “3-lüy”ü belədi: Ueyn Qretski – 122, Mark Messye – 109, Yari Kurri – 106.

Qərb konfransının yarımfinal cütlərinin birində mübarizə başa çatdı. “Edmonton” “Veqas”la seriyadan qalib ayrıldı – 4:1. “Neftçilər” konfrans finalında “Vinnipeq” – “Dallas” cütünün qalibi ilə qarşılaşacaq.

Şərq konfransında isə ilk finalçı bəlli oldu. Mövsümün favoritləri sırasında göstərilən “Vaşinqton” “Karolina” qarşısında “ağ bayraq qaldırdı”. “Karolina” konfrans finalında “Toronto” – “Florida” cütünün qalibi ilə qarşılaşacaq. Yeri gəlmişkən, “Karolina” Rod Brindamorun rəhbərliyi altında 10-cu dəfə pley-off seriyasında qələbə qazandı. Bu, kanadalı mütəxəssis adı çəkilən komandanın “sükanı arxasına” keçəndən, yəni 2019-cu ildən bəri ən yaxşı 2-ci göstəricidi. “Tampa-Bey” ötən müddətdə 11 seriyada qələbə qazanıb.
“Vaşinqton”un baş məşqçisi Spenser Karberi seriyanın 5-ci oyunundan sonra məyusluğunu gizlətmədi:

13 may
Karolina – Vaşinqton 5:2 (1:0, 1:0, 3:2)
Seriyada hesab – 3:1.
Edmonton – Veqas 3:0 (2:0, 1:0, 0:0)
Seriyada hesab – 3:1.

14 may
Dallas – Vinnipeq 3:1 (1:0, 1:1, 1:0)
Seriyada hesab – 3:1.

15 may
Toronto – Florida 1:6 (0:1, 0:3, 1:2)
Seriyada hesab – 2:3.
Veqas – Edmonton 0:1 ОТ (0:0, 0:0, 0:0, 0:1)
Seriyada hesab – 1:4.

16 may
Vaşinqton – Karolina 1:3 (1:1, 0:0, 0:2)
Seriyada hesab – 1:4.
Vinnipeq – Dallas 4:0 (0:0, 1:0, 3:0)
Seriyada hesab – 2:3.