MHL-də 2-ci pley-off mərhələsi də arxada qaldı. Artıq Stenli kuboku uğrunda yarımfinal oyunları, yəni konfrans finalları start götürür. Sonuncu yarımfinalçı “Dallas” oldu. “Ulduzlar” seriyanın 7-ci oyununda “Sietl”i məğlub etməklə Qərb konfrasında finala adladı. Onların rəqibi isə “Veqas”dı. “Dallas” tarixində 12-ci və 2020-ci ildən bəri ilk dəfə konfrans yarımfinalında oynayacaq. Həmin il komanda Stenli kubokunun finalına çıxmış, orda isə “Tampa-Bey”ə uduzmuşdu.

"Football-plus.az" xəbər verir ki, “Dallas”ın bu uğuru ilə bağlı daha bir maraqlı məqam var. İş ondadı ki, baş məşqçi Piter Debur bu komandanı elə ilk cəhddə Stenli kubokunun yarımfinalına çıxardı. O, “ulduzlar”ın “sükanı arxasına” ötən yay keçib. Debur MHL tarixinə istənilən komanda ilə işin elə ilk ilində, yəni ümumilikdə 4 dəfə pley-offa qədər irəliləməyi bacaran yeganə məşqçi kimi düşdü. “Dallas”a qədər “Veqas”, “San-Xose” və “Nyu-Cersi” ilə də eyni nəticəni göstərməyi bacarıb.

Bu arada MHL Stenli kubokunun yarımfinal seriyalarının cədvəlini açıqlayıb. Məlum olduğu kimi, Qərb konfransının finalında “Veqas”la “Dallas”, Şərqin finalında isə “Karolina” ilə “Florida” qarşılaşacaq. Seriyalar mayın 19-da start götürəcək və 7-ci oyuna ehtiyac olarsa, iyunun ilk gününə qədər uzanacaq.

2-ci mərhələ
16 may
Dallas – Sietl 2:1 (0:0, 1:0, 1:1)
Seriyada hesab – 4:3.