"Neftçi" Misli premyer-liqasının evdə keçirilən 35-ci tur matçında "Səbail"i məğlub etdi - 3:0.

"Football-plus.az" xəbər verir ki, "ağ-qaralar"ın baş məşqçisi Samir Abasov oyunsonrası mətbuat konfransında jurnalistlərin suallarını cavabladı.

- Komanda "Səbail"ə qarşı ev oyunlarında yaxşı çıxış edir. Qalan matçlarda da belə fəal olmaq üçün nə çatmır?
- Elə matçlar olub ki, bundan da yaxşı oynamışıq. "Turan Tovuz"la oyunu xatırlayıram. Çatışmazlıqların üzərində işləyirik. Məcburuq ki, yeni mövsümdə tam fərqli komanda olaq. Hansı oyunlarda səhv etdiyimizi düşünmək üşün artıq gecdi.

- Kuboka görə çempionatı qurban verdiyinizi düşünürsüz?
- Biz hansısa matçda ayrı-seçkilik etməmişik. Vallah, bütün oyunlara eyni motivasiyayla çıxmışıq. Sadəcə, son anda şanssızlıq oldu. Futbolçular da kuboku çıxış yolu kimi görürdü. Boşa verdiyimiz epizodları dəyərləndirsəydik, finalda biz olacaqdıq. Amma hansısa ayrı-seçkilikdən söhbət gedə bilməz. Hansı klubda olduğumuzun fərqindəyik. Heç vaxt belə şey ola bilməz, olmayacaq.

KƏNAN BAHADIR