''Fənər''in evdə ''Beşiktaş''a uduzacağını heç kim gözləmirdi. Bu nəticə hamı üçün sürpriz oldu. Bu nəticə ilə demək olar, ''Qalatasaray'' çempionluğu, ''Beşiktaş'' isə 3-cü pilləni rəsmiləşdirdi. Onlarla 5-ə yüksələn aramızdakı xal fərqi 2-yə endi. Bu həftəsonu bizim oyunumuz yoxdu. ''Beşiktaş'' isə böyük ehtimalla ''Adana Dəmirspor''u məğlub edərək 3-cü pilləyə yüksələcək. Biz sona qədər bu hədəf uğrunda mübarizə aparacağıq. Amma ən pis halda mövsümü 4-cü pillədə bitirməyə çalışacağıq. Biz evdə ''Qalatasaray''a uduzarkən ''Fənər''lilər bizi bilərəkdən məğlub olmaqda günahlandırmışdı. İndi eyni məntiqlə mənim də ''Fənər''i bilərəkdən uduzmaqla günahlandırmağa haqqım çatır. İndi mən də deyim ki, Talişka ilə Cenk Tosun ''Beşiktaş''ın sabiq oyunçuları olduqları üçün yaxşı oynaya bilmədilər. Psixoloji cəhətdən çətinlik çəkdilər. Derbi bir daha göstərdi ki, ''Fənərbaxça'' bu mövsüm çempionluğa layiq deyil. Mənim ''Samsunspor''la bağlı çox ciddi planlarım və layihələrim var. Onları həyata keçirmək üçün əlimdən gələni edəcəm. İstanbul nəhəngləri də yavaş-yavaş Türkiyə futbolunda ''Samsunspor'' reallığını qəbul etməyə başlayacaq''.