Bu yay Türkiyədə transfer dönəmi olduqca hərəkətli və maraqlı keçdi.

Football-plus.az xəbər verir ki, nəhənglər heyətlərini bir çox ulduz futbolçularla gücləndirdilər. Qardaş ölkədə ''transfer pəncərəsi'' sentyabrın 9-da bağlandı. Ünlü ''transfermarkt'' saytı bugünlərdə oyunçuların ən yeni dəyərlərini açıqlayıb. Həmin rəqəmlərə əsasən ortaya bir sıra maraqlı faktlar çıxıb.

Məsələn, tarixdə ilk dəfə 4 nəhəng klub – ''Qalatasaray'', ''Beşiktaş'', ''Fənərbaxça'' və ''Trabzonspor''un eyni anda hər birinin heyətinin dəyəri 100 milyon avrodan çoxdu! Belə ki, ''Beşiktaş'' 123 milyon, ''Trabzonspor'' 152 milyon, ''Qalatasaray'' 153 milyon, ''Fənərbaxça'' isə 179 milyon avroluq heyətə malikdi. Daha bir maraqlı məqam odu ki, ''transfermarkt'' bu hesablamaları apardığı 2010-cu ildən bəri ''Fənər''in indiki heyəti Türkiyə futbolunun ən bahalı heyətidi! Gəlin, 2010-dan bu yana superliqada ən bahalı heyətə malik olan klublara nəzər salaq.

2010/11 Fənərbaxça 148,55 (milyon avro)
2011/12 Beşiktaş 116,25
2012/13 Fənərbaxça 141,15
2013/14 Qalatasaray 151,8
2014/15 Qalatasaray 168,7
2015/16 Fənərbaxça 164,45
2016/17 Fənərbaxça 157,5
2017/18 Beşiktaş 128,7
2018/19 Qalatasaray 96,65
2019/20 Qalatasaray 113,4
2020/21 Fənərbaxça 78,6
2021/22 Beşiktaş 127,45
2022/23 Fənərbaxça 179,58

Maraq üçün bildirək ki, ötən il ''Beşiktaş'' 127, ''Fənərbaxça'' 114, ''Qalatasaray'' 102, ''Trabzonspor'' isə 96 milyon avroluq heyətə malik idi. Yəni son bir ildə ''Trabzonspor'' heyətinin dəyərini 58 faiz, ''Fənərbaxça'' 57 faiz, ''Qalatasaray'' 50 faiz artırarkən ''Beşiktaş'' bu baxımdan geriləyib. ''Qartal''ın heyətinin dəyəri 2,7 faiz azalıb. Sonda bu mövsüm superliqada iştirak edən bütün klubların heyətlərinin dəyəri ilə sizi tanış edirik.

1. Fənərbaxça 179,58 (milyon avro)
2. Qalatasaray 153,35
3. Trabzonspor 152,03
4. Beşiktaş 123,68
5. İstanbul BŞ 55,7
6. Adana Dəmirspor 45,13
7. Konyaspor 42,78
8. Alanyaspor 41,65
9. Antalyaspor 37,18
10. Ankaragücü 36,35
11. Sivasspor 31,98
12. Fatih Karagümrük 30,18
13. Kayserispor 29,85
14. Hatayspor 29,53
15. Kasımpaşa 29,08
16. Qaziantep 28,8
17. Girəsunspor 17,33
18. İstanbulspor 12,03
19. Ümraniyəspor 10,03