“Emin Mahmudov komandanın lideri olduğunu “Sabah”la oyunda da göstərdi. Hər kəs gördü ki, Emin “Neftçi”yə lazım olan futbolçudu. Emin meydanda olduğu oyunlarda hakimlər kapitan kimi onu görür, müzakirələri onunla aparır. Mahmudov həm “Neftçi”də, həm də millidə vurduğu həlledici qollarla necə faydalı futbolçu olduğunu dəfələrlə sübut edib. Son iki mövsümdə sabit oynamaması isə daha çox komandada baş məşqçi dəyişikliklərinin nəticəsidi. Hər məşqçinin öz planları var. Futboçular belə dəyişiklik zamanı stress yaşayır, bu da özünü hiss elətdirir. Bu komanda “Neftçi”disə, stress, təzyiq yüksək həddə çatır. Mətbuatdan oxuduğum qədəri ilə Emin “Sabah”la oyuna tam sağalmamış çıxıb. Bu isə futbolçunun sağlığını komanda yolunda arxa plana atdığını göstərir. Son vaxtlar Eminin üzərinə çox gedildi, bu da onun lider olmasından irəli gəlir. Eminə imkan vermək lazımdı ki, həm milli komandanın bombardiri olsun, həm də “Neftçi”ni arxasınca daşıyıb çempionluğa aparsın. Bu futbolçuya güvənmək lazımdı”.