Emin hələ fərdi şəkildə də məşq etmir
“Neftçi”nin futbolçusu Emin Mahmudov 25-ci turun “Kəpəz”lə oyunundan sonra məşq zamanı ayağından zədə alıb. Təcrübəli yarımmüdafiəçi “Turan Tovuz”la oyunda meydanda olmadı.
Məhz “bozqurdlar”la oyundan sonra keçirilən mətbuat konfransında “ağ-qaralar”ın baş məşqçisi Samir Abasov Eminin durumuna aydınlıq gətirib:
“Səbail”lə oyunu da buraxacaq, müalicə prosesi keçəcək. Emin Mahmudov kimi yaşlı futbolçularda proses uzun çəkir. Gücünü qorumayan futbolçudu”.
Görəsən, Emin Mahmudov fərdi şəkildə məşq edirmi? Kollektiv məşqlərə nə zaman qoşulacaq? Bu sualları “Neftçi”nin mətbuat xidmətinin rəhbəri Asəf Zeynallıya ünvanladıq:
“Emin Mahmudov hazırda müalicə alır. Fərdi məşqlərə nə zaman başlayacağı da bilinmir. Növbəti oyunu da buraxacaq”.
ƏSƏD SEYİDOV
