“Neftçi”nin kapitanı Emin Mahmudovun cari mövsümü imkanlarından aşağı keçirdiyi, baş məşqçilərin və azarkeşlərin ümidlərini doğrultmadığı heç kimə sir deyil.

“Football-plus.az” xəbər verir ki, Eminin cari mövsümdəki çıxışı ilə bağlı maraqlı qanunauyğunluq var. Kapitan meydanda olmayanda komanda daha yaxşı çıxış edir. Mahmudov cari mövsümdə iki turda meydana çıxmayıb, bu oyunların ikisi də “Səbail”ə qarşı olub. “Ağ-qaralar” “dənizçilər”ə 10-cu turda 4:2, 27-ci turda isə 3:0 hesabıyla qalib gəlib. Daha bir maraqlı məqam: 11-ci turda – “Sabah”la oyunda Emin 76-cı dəqiqədə Reziuan Mirzovun yerinə meydana çıxıb. Rəqib isə 90+5-ci dəqiqədə qələbə topunu vurub. Daha nəticə çıxarmağı sizin öhdənizə buraxırıq…

GÜNAY SÜLEYMANOVA