1-ci liqada çempion olan və premyer-liqaya vəsiqə qazanan “Qəbələ” heyətini formalaşdırmaqla bağlı prosesə start verib.

“Football-plus.az”ın əldə etdiyi məlumata görə, “qırmızı-qaralar” “Sumqayıt”ın futbolçusu Rövlan Muradovla güclənmək niyyətindədi.

Artıq bu yöndə ilk addım atılıb. Bölgə təmsilçisi “kimyaçılar”ın oyunçusuyla əlaqə yaradıb və məqsədini dilə gətirib. Danışıqlar prosesi uğurla yekunlaşsa, Rövlan yayda “Qəbələ”nin düşərgəsinə qoşulacaq.

Xatırladaq ki, sağ cinah müdafiəçisi “qırmızı-qaralar”ın yetirməsidi. O, 2023-cü ildən bəri “Sumqayıt”ın şərəfini qoruyur. Futbolçunun “kimyaçılar”la müqaviləsinin müddəti cari mövsümün sonunda başa çatacaq.

KƏNAN BAHADIR