Rövlan Muradovun ölkə xaricinə getməməsinin səbəbi - ÖZÜ AÇIQLADI
Bir neçə gün öncə "Qəbələ"dən ayrılan Rövlan Muradov karyerasına "Sumqayıt"da davam edəcək. Futbolçu "gənclik şəhəri"nin təmsilçisi ilə 2 illik müqavilə imzalayıb.
Xatırladaq ki, Rövlan "Qəbələ"dən ayrılarkən karyerasına legioner kimi davam etmək ehtimalının yüksək olduğunu demişdi.
Görəsən, uğurlu mövsüm keçirən "Qəbələ"dən "futbol ili"ni demək olar ki, autsayder kimi başa vuran "Sumqayıt"a keçidi necə baş verdi? Xarici ölkədən gələn təklif niyə qəbul edilmədi?
Suallarımızı ünvanlamaq məqsədilə Rövlan Muradovla əlaqə saxladıq. Onun "Football-plus.az"a söylədikləri belə oldu:
"Ölkə daxilində 4-5 klub var idi ki, növbəti mövsüm üçün məni heyətə qatmaq istəyirdi. Xaricə yollanmaq şansım da yüksək idi. Azərbaycanda qazana biləcəyimin 2 qatı təklif edilmişdi. Sonda "Sumqayıt"ı seçdim və düzgün qərar verdiyimi düşünürəm. Başqa ölkəyə getməməyimin səbəbini də deyim. Çünki xarici klubda ehtiyat oyunçular skamyasında əyləşəcəkdim. Mən futbol oynamaq istəyirəm. Məqsədim daha böyük uğurlar qazanmaqdı.
Düzdü, bu günlərə gəlməyimdə "Qəbələ"nin rolu çox böyükdü. Lakin orda daha çoxunu edə bilməyəcəkdim. İnanıram ki, "Sumqayıt"da hər şey daha yaxşı olacaq".
Düzdü, bu günlərə gəlməyimdə "Qəbələ"nin rolu çox böyükdü. Lakin orda daha çoxunu edə bilməyəcəkdim. İnanıram ki, "Sumqayıt"da hər şey daha yaxşı olacaq".
Qeyd edək ki, “Qəbələ”nin yetirməsi olan 25 yaşlı yarımmüdafiəçi 2017-ci ildən klubun əsas komandasında çıxış edirdi.
KƏNAN BAHADIR
Digər xəbərlər
