“Hər iki oyunda da xal qazanmışdıq” - Rövşən Hüseynli Qazaxıstana döndü
Futzal yığmamızın Avropa çempionatının əsas mərhələsini biabırçı nəticə ilə başa vurduğunu xəbər vermişdik.
Vitali Borisovun çalışdırdığı komanda evdə Xorvatiyaya da böyük hesabla uduzdu və qrupu 2 xalla sonuncu sırada tamamladı. Yeri gəlmişkən, Borisov son iki oyunda qapıçı Rövşən Hüseynlini heyətdən kənarlaşdırmışdı.
Qapıçı indi hardadı – Bakıdadı, yoxsa Qazaxıstana döndü? Borisovla münasibətləri qaydasındadımı?
Dünən Rövşənlə əlaqə saxladıq:
“Bəli, Qazaxınstandayam. Artıq bu gün bizdə növbəti turun oyunları keçiriləcək. Vitali Borisovla bağlı açıqlama verilib və danışılıb. Hər şey qaydasındadı. Baş məşqçinin qərarıdı və oyunçu olaraq, onun qərarına hörmətlə yanaşıram. Millinin bu tsikıldəki 6 oyununun ikisində meydanda olmuşam. Hər iki oyunda da xal qazanmışdıq. Məşqçinin seçimi belə oldu və onun qərarına hörmətlə yanaşıram. Ölkə çempionatında çıxış edən gənc oyunçuların potensialı var. Sadəcə, düzgün yolla irəliləməliyik”.
ƏSƏD SEYİDOV
