“Təbii ki, nəticələr ilk növbədə futzal azarkeşi kimi məni qane etmədi. Daha yaxşısını gözləyirdim. Azı ikinci yer uğrunda mübarizəyə qoşulmalıydıq. Çox təəssüf... Millidə gəncləşdirilmə siyasəti davam etdiriləcək. Güman edirəm ki, yerli futzalçıların daha təcrübəli olması və uğurlu çıxış etməsi üçün bir neçə il lazımdı. Amma bu o demək deyil ki, əllərimizi sallayıb gözləməliyik. Çoxlu yoldaşlıq oyunu keçirməliyik. Baş məşqşçi Vitali Borisovun taleyinə gəlincə, prezident Zaur Axundovun iştirakı ilə yaxın günlərdə iclas keçiriləcək və qərar qəbul olunacaq. Mərhələnin yekunlarıyla bağlı məşqçilər korpusunun hesabatı dinləniləcək. Rövşən Hüseynliylə baş məşqçi arasında baş verən insident isə şişirdiləcək məsələ deyil. Hər iki tərəflə danışıq aparmışam. Rövşənə baş məşqçinin sözlərinə qulaq asmağın vacibliyini bildirmişəm. O özü də ciddi narazılığının olmadığını deyib. Rövşən Xorvatiyaya qarşı matça hazırlıq prosesində iştirak etsə də, Vitali Borisov onun adını iştirak ərizəsinə salmadı. Hər halda, baş məşqçinin qərarıdı. Yenə də mütəxəssis yaşananlarla bağlı izahat verəcək”.