"Turan Tovuz" Misli premyer-liqasının 31-ci tur matçında səfərdə "Araz-Naxçıvan"la heç-heçə etdi.

"Football-plus.az" xəbər verir ki, "bozqurd"un məşqçisi Yunis Hüseynov oyunsonrası mətbuat konfransında jurnalistlərin suallarını cavabladı.

- Təbii ki, meydana qələbə qazanmaq üçün çıxmışdıq. Komandamız pis təsir bağışlamadı. Əfsuslar olsun ki, qapımızda qol gördük. Çox çətinliklə qol vursaq da, öz səhvlərimiz üzündən qol buraxırıq. Məncə, bu gün iki xal itirdik. Növbəti oyunlara hazırlaşacağıq.

- "Araz-Naxçıvan"la xal fərqini azaltmaq üçün çox ciddi şans var idi. Risk etmək istəmədiz, yoxsa daha yaxşısını bacarmaq olmur?
- Risk etmək istəmədik. Bəli, qalib gəlsək, "Araz-Naxçıvan"la xal fərqi azalacaqdı. Amma bu gün əlimizdə nə var idisə, ondan istifadə etdik. Zədəlilərimiz çoxdu.

- Jo Batista da zədələnib? Bu gün oynamadı...
- Bəli. Dünənki məşqdə çox ciddi zədə aldı. Əməliyyat olunacaq. Onun üçün mövsüm demək olar ki, sona çatıb. Zədəlilər qayıtsa, başqa cür oynayacağıq.

KƏNAN BAHADIR