"Sumqayıt"ın qələbə seriyası başa çatdı. "Gənclik şəhəri" təmsilçisi səfərdə "Araz-Naxçıvan"la (1:1) heç-heçə etdi.
Oyundan sonra sumqayıtlıların futbolçusu Roi Kehat "Football-plus.az"ın suallarını cavabladı.
İsrailli yarımmüdafiəçi əvvəlcə oyun barədə danışdı:
"Birinci hissəyə yaxşı başladıq. Oyuna nəzarəti əlimizdə saxlamağı bacara bildik. İkinci yarıya da belə başlasaq da, meydandan 3 xalla ayrıla bilmədik. "Araz-Naxçıvan"ın hesabı bərabərləşdirməsi planlarımızı pozdu".
31 yaşlı oyunçu komandanın çatışmayan cəhətləri haqda da fikirlərini söylədi:
"Yaxşı kollektiv qurduğumuzu düşünürəm. Amma bəzi çatışmayan cəhətlərimiz var. Bunların üzərində işləməliyik. Bu gün çatışmazlıqlara görə xal itirdik".
O, sonda sentyabrın 2-də qarşılaşacaqları "Neftçi" ilə oyun barədə də danışdı:
"Neftçi" ilə oyun ağır olacaq. Rəqib çempionatın güclü klublarından biridi. Lakin biz də yaxşı komandayıq və gözəl performans ortaya qoyuruq. Bu matça ciddi hazırlaşacağıq. Qələbə qazanmaq üçün meydanda döyüşəcəyik".
CAVİD ƏLİYEV