''Beşiktaş''da yeni mövsüm üçün transfer və digər çalışmalar davam edir.

Bu arada ''ağ-qaralar''ın yenilənmə prosesi adı altında 7 skaut ilə yollarını ayırdığı məlum olub. Kluba son dönəmlərdə bir sıra istedadlı gəncləri qazandıran həmin skautların adları da məlumdu. Bu xəbəri ''Hürriyət'' nəşri paylaşıb. Bu skautlar əsasən Türkiyə daxilində istedadların tapılıb kluba cəlb olunmasına cavabdehlik daşıyırdılar.

Həmin skaut departamentinin rəhbəri Necdet Ərgün ilə yanaşı Saffet İşlər, Haluk Duranoğlu, Haluk Çakar, Kasım Gündüz, Değer Batmaz və Haydar Etik ilə də yollar ayrılıb. İddialara görə bu əməliyyatın başında ''Beşiktaş''ın yönəticisi və idarə heyətinin üzvü Mustafa Mollaoğlu dayanıb. Necdet Ərgün klubla əlaqəsi kəsildikdən sonra bu qərara bu sözlərlə etirazını bildirib:

Rəhbərliyi birdən-birdə 7 skautla vidalaşmağa nəyin vadar etdiyi barədə məlumat yoxdu. Klubdan da hələ ki, heç bir rəsmi açıqlama verilməyib. Amma bu yerdə xatırladaq ki, ''Beşiktaş'' martın 1-də tanınmış almaniyalı skaut Eduard Qraf ilə anlaşmışdı. 12 il Dortmund ''Borussiya''sında işləyən Qraf ''Qartal''ın skaut departamentinin sədri vəzifəsinə gətirilib. Bu təyinatdan bir müddət sonra ''Beşiktaş'' vaxtilə ''Molde''də işləmiş və Erlinq Holannı kəşf etmiş skaut Con Viklə də anlaşmışdı.