''Beşiktaş''a lazım olmayan 5 futbolçunun adı açıqlandı

Covanni van Bronxorstun başçılığı altında İstanbulda hazırlığını başa vuran ''Beşiktaş'' sabah toplanış üçün Sloveniyaya yola düşəcək.

Bu arada toplanışa aparılmayacaq futbolçuların adları məlum olub. Van Bronxorstun qərarı ilə 5 futbolçu - Aleks-Oksleyd Çemberleyn, Ante Rebiç, Daniel Amarti, Fransisko Montero və Tayfur Bingöl düşərgədə yer almayacaq. Düzdü, AÇ-2024-də iştirak edən futbolçular - Mərt Günok, Cenk Tosun, Semih Kılıçsoy və Ernest Muçi də hazırlığın ilk günlərində iştirak etməyəcək. Semih Kılıçsoy Sloveniyaya iyulun 15-də yollanacaq. Cenk Tosun hələ də ''Beşiktaş''la yeni müqavilə imzalamadığından onun gələcək taleyi qeyri-müəyyəndi.

Toplanışa aparılmayan 5 futbolçu böyük ehtimalla qarşıdakı mövsüm ''Beşiktaş''da yer almayacaq. Hələ ikiillik müqaviləsi Oksleyd-Çemberleynin vətəni İngiltərəyə qayıdacağı gözlənilir. Monteroya İspaniyanın iki klubundan - ''Espanyol'' və ''Alaves''dən təklif var. Van Bronxorstun gözünə ilk gündən girə bilməyən Amartidən özünə yeni klub tapması tələb olunacaq. Rebiç və Tayfura görə gələn təkliflər də dəyərləndiriləcək.

ƏLİ