Bu mövsüm Türkiyə çempionatının kəşfi sayılan və vurduğu qollarla ''Beşiktaş''a böyük fayda verən Semih Kılıçsoya Avropa klublarının marağı artmaqda davam edir.

Türkiyə mətbuatının son iddiasına görə Frankfurt ''Ayntraxt''ı bu günlərdə 18 yaşlı forvarda görə 9 milyon avroluq rəsmi təklif irəli sürübmüş. Amma İstanbul nəhənginin rəhbərliyi bu təklifi düşünmədən rədd edib. Rəhbərliyin ilkin hədəfi Semihi gələn mövsüm də heyətdə saxlamaqdı. Hərçənd 20-25 milyon avro civarında təklif gəlsə, ''Qartal'' yeni ulduzunu buraxa bilər. ''Ayntraxt''dan başqa Dortmund ''Borussiya''sı, ''Arsenal'', ''Aston Villa'' və ''Yuventus''un da yaxından izlədiyi Kılıçsoy bu mövsüm 28 rəsmi oyunda 10 qol, 2 məhsuldar ötürməlik performans sərgiləyib. Onun ''Beşiktaş''la müqaviləsinin müddəti 2028-ci ilə qədər nəzərdə tutulub.

ƏLİ