“Əsas komandada olduğu kimi, bizdə də maliyyə problemləri var” – 11 oyunda 8 qələbə!
Əvəzedicilər liqasında ilk iki dövrədən sonra axırıncı pillədə qərarlaşan “Səbail-2” son 11 oyunda 8 qələbə qazanıb. “Dənizçilər” sonuncu qarşılaşmada “Kəpəz”in əvəzedicilərini 5:2 hesabıyla məğlub edib. Komandanın belə yüksəlişi, təbii ki, hər kəsdə maraq doğurur.
“Səbail-2”in baş məşqçisi Ramiz Hüseynov “Football-plus.az”a uğuru belə izah etdi:
“Komandaya mövsümün əvvəlində gəlmişəm. Əsas komandada olduğu kimi, bizdə də maliyyə problemləri var. Məqsədim gənc futbolçularla işləyib yaxşı oyun göstərmək idi. Əvəzedici liqa elədi ki, burda nəticə elə də önəmli deyil. Sonuncu yeri tutan komanda liqadan düşmür deyə, bir qədər rahatlıq var. Birinci və ikinci dövrədə nəticələrimiz yaxşı olmadı, hətta ardıcıl 7 oyunda məğlub olduq. Uduzduğumuz oyunlarda da yaxşı oyun göstərirdik. Düzdü, uşaqlar uduzanda həvəsdən düşürdülər, amma mən həmişə onlara motivasiya vermişəm. Fərdi şəkildə hansısa futbolçunu fərqləndirə bilmərəm. Uşaqların hər biri çalışır, əlindən gələni edir”.
MÜZƏFFƏR QULUZADƏ
Digər xəbərlər
