“Dəyişən və ya yenilik kimi göstərə biləcəyimiz hansısa məqam yoxdu”
Bildiyimiz kimi, ASCO “Səbail”in əsas sponsorudu. Azərbaycan Xəzər Dəniz Gəmiçiliyinin cari mövsümün sonunda premyer-liqanın sonuncu pilləsində qərarlaşan komandaya maliyyə dəstəyini dayandıracağı ilə bağlı xəbərlər yayılıb.
Belə ki, “dənizçilər”ə hər ay ayrılan 1,5 milyon manat mayın sonuna qədər tam şəkildə ödənəcək. Bundan sonra isə maliyyə dəstəyi dayanacaq. Görəsən, belə bir təhlükə varmı? Bu sualı “Səbail”in mətbuat xidmətinin rəhbəri Rəşad Məmmədova ünvanladıq:
“ASCO ilə klub arasında mövsümün sonuna qədər qüvvədə olan sponsorluq müqaviləsi var. Müqaviləyə uyğun şəkildə əməkdaşlıq davam edir. Əvvəlki mövsümlərdə də sponsorluq müqaviləsi 1 il müddətinə bağlanıb və növbəti ilin əvvəlində yenilənib. Yəni dəyişən və ya yenilik kimi göstərə biləcəyimiz hansısa məqam yoxdu”.
ƏSƏD SEYİDOV
Digər xəbərlər
