Florentino Peres futbolçuları sevindirib.

“Real”ın prezidenti onları Çempionlar Liqasının 1/8 final mərhələsində “Atletiko”nu mübarizədən kənarlaşdırdıqlarına görə mükafatlandırıb. Xatırladaq ki, “kral klubu” evdəki ilk matçda “Atletiko”nu 2:1 hesabı ilə məğlub edib. Cavab oyununda “Atletiko” 1:0 hesablı qələbə qazanıb. Penalti seriyasında isə “Real” üstün olaraq (4:2) 1/4 finala çıxıb.

Peres futbolçuların hər birinə 250 min avro mükafat verib. Qeyd edək ki, “Real” 1/4 finalda “Arsenal”la qarşılaşacaq.