Sereso Kurtuanın cavabını verdi
Enrike Sereso Tibo Kurtuanın açıqlamasına cavab verib.
“Atletiko”nun prezidenti “Real”ın qapıçısının Xulian Alvaresin Çempionlar Liqasının 1/8 finalının cavab oyununda penalti seriyası zamanı vurduğu, lakin sayılmayan qolu ilə bağlı dediklərinə kəskin reaksiya verib.
Xatırladaq ki, penalti seriyasında Alvaresin qolu topa iki dəfə toxunmasına görə sayılmayıb. Nəticədə “Atletiko” Çempionlar Liqasında mübarizəni dayandırıb. İspaniya mətbuatının xəbərinə görə, Madrid klubunun rəhbəri Sereso komandanın keçmiş futbolçusunu qıcıqlandırıcı fikrinə görə sərt şəkildə tənqid edib:
“Məndə kadrlar var, orda Xulian topa, ümumiyyətlə toxunmur. Kurtua susmalıdı. O, vaxtilə “Atletiko”da oynadığına görə bizə minnətdar olmalıdı. O, bizimlə olduğu vaxt etdiyi kimi davranmalıdı - centlmen və cənab kimi”.
Digər xəbərlər
