Florentino Peres “Real”a daha bir neçə il rəhbərlik edəcək.

"Football-plus.az" xəbər verir ki, o, növbəti dəfə prezident seçilib.

77 yaşlı funksionerin prezidentlik dövrü daha 4 il davam edəcək. O, bu dəfə postunu seçkisiz qoruyub. Belə ki, seçkidə ali vəzifə üçün yeganə namizəd idi. Peres ilk dəfə 2000-ci ildə “Real”ın prezidenti seçilib. 2006-cı ilə qədər bu vəzifəni tutan məşhur biznesmen bir də 2009-cu ildə rəhbər postuna qayıdıb. Funksioner kluba 2029-cu ilədək başçılıq edəcək.

Qeyd edək ki, “Real” Peresin dövründə futbol sahəsində 37, basketbolda 28 olmaqla ümumilikdə 65 çempionluq qazanıb. O, “kral klubu”ndakı səlahiyyətini başa vurduqda “Real”a ən uzun müddət prezidentlik etmiş şəxs olacaq.