"Təbii ki, hər qərarı verməzdən əvvəl olduğu kimi, bu dəfə də PFL-in İdarə Heyəti hərtərəfli müzakirələr apardı. Hidrometeoroloji proqnozlara əsasən aydın oldu ki, paytaxtda və regionlarda hava ciddi şəkildə soyuyacaq, qarın yağması və davamlı olması ehtimalı yüksəkdi. Sirr deyil ki, 2-ci liqa komandalarının büdcəsi qalanlarına nisbətən kiçikdi və planlaşdırılmayan xərclər onları çox çətin duruma salır. Üstəlik belə şəraitdə meydanın təmizlənməsi və ot örtüyünün qaydaya salınması əlavə maliyyə itkisinə səbəb ola bilər. Bir çoxu isə bu çətinliyi böyük ölçüdə aradan qaldıra bilməyəcəkdi. Bəzi komandalarla əlaqə qurduq. Bizə meydançaların qarla örtüldüyünü bildirdilər. Belədə bütün məqamlar nəzərə alınaraq (bütün klublara eyni şərtlərin yaradılması, oyun günü - istirahət balansının verilməsi, texnika, infrastruktur, işçi qüvvəsi, gediş-gəliş məsələləri və s.) oyunların vaxtının dəyişdirilməsi qərarı alındı".