“Qarabağ” üçün hansısa sərhəd görmürəm. Ağdam təmsilçisi çox keyfiyyətli futbolçulara sahibdi. Maraqlıdı ki, komanda ən yaxşı oyununu sərgiləməkdə çətinlik çəksə belə, xal fərqini artırmağa davam edir. Təbii ki, səhvləri var. Lakin rəqiblərin əksəriyyəti bu boşluqlardan istifadə edə biləcək səviyyədə deyil. Yalnız “Zirə” və “Turan Tovuz” bunu bacardı. Bu komandalar növbəti oyunlarda fürsətlərdən yararlana biləcəkmi? Sual altındadı. Düzdü, bəlkə də “Qarabağ” növbəti oyunlarda yenə xal itirəcək. Amma belədə çempionluq hədəfinin təhlükə altına düşəcəyinə inanmıram. İkinci pillədəki “Araz-Naxçıvan”ın oyunçu potensialı “Qarabağ”ı qabaqlamağa imkan vermir. Komanda bundan sonra səhvə yol versə belə, rəqiblərin səviyyəsi üzündən çox hiss edilməyəcək”.