“İndiki vəziyyətdə “Qarabağ”ın qarşısına çıxacaq yerli komanda yoxdu. Ən yaxın izləyicisi ilə olan 12 xal fərqi elə də çox deyil. Hələ qarşıda 18 tur var. Nəzərə almaq lazımdı ki, Qurbanovun yetirmələrinin “Braqa” ilə görüşləri də var. Yəni həmin ərəfədə “Qarabağ”ı büdrətmək, ondan xal almaq olar. Amma ümumilikdə götürsək, nə heyət baxımından, nə də oyun baxımından “köhlən atlar”a təzyiq göstərə biləcək rəqib görünür. Ona görə də cari mövsümün bitməsinə 4-5 tur qalmış “Qarabağ”ın çempionluğu təmin edəcəyini düşünürəm. Futbolçuların fərdi ustalığı və komanda oyunu hesabına bütün rəqibləri üstələyirlər. Yerdə qalan heç bir klub bu meyarlara cavab vermir. Nə heyətləri, nə də oyun üslubları ilə Ağdam təmsilçisinə mane ola biləcəklərini düşünmürəm. Ola bilər ki, “Qarabağ” bir neçə xal itirsin, amma çempionluğu əldən verəcəyinə inanmıram. Bugünkü heyətlərlə “Qarabağ”ın qarşısına çıxıb nəsə edə biləcək bir komanda yoxdu. Bundan sonra da inanmıram ki, hansısa klub 5-6 yüksək səviyyəli futbolçu gətirsin, bunları qısa müddət içində komandaya uyğunlaşdırsın və “Qarabağ”a təzyiq göstərsin. Hansısa klubun qısa zaman kəsiyində bunu reallaşdıra biləcəyini düşünmürəm. Gərək möcüzə baş versin, “Qarabağ” 4-5 oyunda məğlub olsun - bu da inanılası bir şey deyil. Hər halda, “köhlən atlar”ın qarşısını almaq üçün bütün komandalar güclü transferlər etməlidi. Elə transferlər etmək lazımdı ki, komandanın gücünə güc qatsın, oyunun taleyin dəyişə bilsin. Eyni zamanda məşqçilər də öz taktikalarını, sistemlərini dəyişməlidilər. Komanda oyununu daha da sürətləndirib aqressiv oyuna üstünlük verməlidilər. Bu baxımdan “Qarabağ”a təzyiq göstərməlidilər. İstər-istəməz Ağdam təmsilçisini öz silahıyla vurmalıdılar. Yəni yaxşı heyət formalaşdırmalıdılar, amma bu da çətin məsələdi. Qısa müddətdə alınacaq iş deyil”.