“Qarabağ”ın iki dövrədən sonra ən yaxın izləyicisi “Zirə”dən 12 xal öndə olması çox böyük fərqdi. Adətən, iki dövrədən sonra xal fərqi maksimum 5-6 olurdu. Bu səbəbdən də hansısa klubun bundan sonra “Qarabağ”la rəqabət apara biləcəyini düşünmürəm. Çünki “Qarabağ” qış fasiləsindən sonra da güclənəcək. Həm iki heyəti, həm də keyfiyyətli futbolçuları var. Bu xal fərqini azaltmaq üçün “köhlən atlar”ın 3-4 oyun uduzması lazımdı. Həm də mübarizə apara biləcək rəqiblərin öz aralarında keçiriləcək qarşılaşmalar da var. Onların da öz aralarında xal itirmək ehtimalı çoxdu. Bu baxımdan çox çətin olacaq. Məncə, qalan komandalar arasında bundan sonra 2-4-cü yerlər – “avrokubok zonası” uğrunda mübarizə gedəcək. Təbii ki, “Kəpəz”lə “Qəbələ”ni çıxmaq şərtiylə. Çünki 22 xala malik komandaların bu zona uğrunda mübarizə aparmağa gücü yoxdu”.