“Qarabağ”ın sona 9 tur qalmış çempion olacağına inanmıram. Adi riyazi hesablama aparsaq, görərik ki, bu o qədər də inandırıcı deyil. Çünki hazırda çempionla ən yaxın izləyicisi “Neftçi” arasındakı xal fərqi 15-di. Bu da o deməkdi ki, 7 turdan sonra bu xal fərqi 27-yə yüksəlməlidi. “Neftçi”, hətta “Sumqayıt” və “Zirə” də 15 xal itirməlidi. Deyək ki, “Sumqayıt”la “Zirə” ortabab komanda sayılır. Amma “Neftçi” yetərincə yaxşı heyətə malikdi, yeni baş məşqçi gələndən sonra da 2 oyuna 4 xal toplayıb. Artıq hiss olunur ki, nələrsə dəyişir, zamanla “Neftçi” daha yaxşı olacaq. Üstəlik “Qarabağ”ın qarşıda kubok və avrokubok oyunları var. Bu durumda xal itirməsi də mümkündü. Ona görə də inanmıram ki, “Qarabağ” sona 9 tur qalmış çempion olsun. Fikrimcə, ən yaxşı halda sona 5-6 tur qalmış çempion ola bilər”.