“Hələ çempionatın əvvəlidi. Adətən, ilk dövrələrdə qeyri-sabit nəticələr qeydə alınır. "Qarabağ" avrokuboklarda çıxış etdiyindən premyer-liqaya fərqli yanaşa bilər. Bəzi komandalar isə hələ tam komplektləşməyib. Bununla yanaşı, yay fasiləsində çoxlu transfer edən komandalar var ki, yeni futbolçuları hələ kollektivə uyğunlaşmayıb. Belədə lider tez-tez dəyişir, hansısa kollektiv gözlənilmədən birinci pilləyə yüksəlir, sürprizlə üzləşirsən. İndidən gələcəyi proqnozlaşdırmaq çətindi. Amma çempionluğa namizəd yeganə komanda “Qarabağ”dı. Bu yer uğrunda yalnız “Zirə” son ana qədər çarpışa bilər. Yəqin ki, qalan pillələrdə “Sabah”, “Turan Tovuz” və “Araz-Naxçıvan” qərarlaşacaq. Əslində “Neftçi”ni də hesabdan silməməliyik. “Ağ-qaralar” qarşıdakı iki tur ərzində bir qələbə qazansa, növbəti uğurları əldə etməsi çətin olmayacaq. Qalan 4 komanda isə premyer-liqada qalmaq uğrunda mübarizə aparacaq. Təbii ki, dediklərim hadisələrin indiyəqədərki axarına əsaslanır. Mübarizənin ən gərgin mərhələsi qış fasiləsindən sonra başlayacaq. Bu mənada ilk iki dövrə yanıldıcı ola bilər".