“Bir ay ərzində intensiv məqşlər etdik, böyük əmək sayəsində ilk iki oyunda böyükhesablı qələbələr qazandıq. Bu oyunlar göstərdi ki, doğru yoldayıq. Komandam həm fiziki, həm də psixoloji baxımdan yaxşı durumdadı. Özüm də həmçinin. Oyunçularımın inamlı çıxış edəcəyinə, qələbə qazanacağına inanıram. Güman edirəm ki, meydanda ən yaxşı oyunumuzu göstərə biləcəyik. “Baku Fire” ilə xal fərqinin 4-ə bərabər olması oyunun prinsipiallığını daha da artırır. Xal itirmək çempionluq şanslarımıza böyük təsir edəcək. Bunun fərqindəyik. Bütün gücümüzü səfərbər etməliyik. O başqa məsələ ki, qısa müddətdə komandadakı problemləri aradan qaldırmaq çətindi. Mümkün qədər yaxşı hazırlaşırıq. Sabahkı oyun hər şeyi göstərəcək. İnanıram ki, oyunçularımın mənə, mənim də onlara olan inamımın vəhdəti öz nəticəsini göstərəcək. İtkilərə gəlincə, Əlirza Rüstəmli əməliyyat olunub. Sıraya dönməsi üçün martın sonuna qədər vaxt lazımdı”.

“Düzdü, onun ayrılığı gözlənilməz oldu. Getməsini istəmirdim. Vacib oyundan əvvəl belə hadisənin yaşanması üzücü haldı. Lakin bunun komandama mənfi təsir etməsinə icazə verə bilmərəm. Oyuna tam gücümüzlə çıxıb qələbə qazanmalıyıq”.

“Fürsətdən istifadə edib futzalsevərləri qarşılaşmanı canlı izləməyə dəvət edirəm. Onların yaxşı oyun izləməsi və bundan zövq alması üçün hər şeyi edəcəyik”.